Fréttir

Í miðannarvikunni komu gestakennarar til að kenna ljósmyndun. Þórhallur Jónsson eigandi Pedrómynda á Akureyri sem gefið hefur út bókina "Stafræn ljósmyndun á Canon EOS" fjallaði um stúdíóljósin úti og inni ásamt fleiru.

Árshátíð Menntaskólans á Tröllaskaga var sérlega glæslileg. Nemendur og starfsmenn mættu í sínu fínasta pússi í fagurlega skreyttan salinn í Tjarnarborg. Haft var á orði að salurinn hefði aldrei verið jafn glæsilegur.

Hér má finna áfanga í boði fyrir haustönn 2012. Nemendur eru hvattir til að íhuga val sitt vel og ráðgast við umsjónarkennara ef þeir þurfa aðstoð.

Spenna ríkir í skólanum því mikið stendur til. Fjöldi nemenda hefur alla vikuna undirbúið árshátíðina sem haldin verður í kvöld. Hátíðin fer fram í Tjarnarborg þar sem fram verður reiddur þriggja rétta kvöldverður. Skemmtiatriði verða fjölbreytt

Heimsókn í líftæknifyrirtækið Primex á Siglufirði var hluti vistfræðiáfanga í þemaviku. Vistfræðin fjallar um lífverur og tengsl þeirra innbyrðis og við umhverfi sitt. Í áfanganum kynntust nemendur framandi dýrum á borð við krókódíla en uppgötvuðu líka nýjar hliðar á lífi dýra sem eru nær okkur, meðal annars í sjónum við landið.

Vegna veðurs færist skíðaferð til Dalvíkur, mæting í Menntaskólanum kl 9.45 þar sem sameinað verður í bíla. Ef einhvern vantar far frá Siglufirði hafið samband við Heiðdísi í síma 6909444

Gönguskíðaferð í Héðinsfirði á þriðjudag var hluti af fjögurra daga kennslu í skíðaíþróttum í þemavikunni. Sprækur hópur gekk yfir ísilagt Héðinsfjarðarvatn og að útfallinu. Skoðaðir voru allir skálar og eyðibýli á leiðinni. Veður var hið blíðasta framanaf en á leiðinni til baka var vindur á móti og slyddurigning þannig að þátttakendur reyndu á sjálfum sér að ganga í misjöfnu veðri. Björn Þór Ólafsson og Óliver Hilmarsson sáu um skíðagöngukennsluna.

Nemendur í áfanganum Sköpun völdu sér tvö ólík viðfangsefni og sköpuðu úr þeim nýtt líf/hlut. Hugarflugið var látið ráða ferð í samruna ólíkra hluta. Til dæmis runnu ólíkar dýrategundir saman í eina nýja eða ólíkir dauðlegir hlutir runnu saman og urðu að nýjum hlut, jafnvel runnu saman lifandi vera og dauðlegur hlutur.

Adolf Hitler og Osama bin Laden komu í heimsókn með föruneyti í morgun og sungu saman - um Gamla-Nóa. Þeir hlutu sælgæti að launum. Ekki fylgir sögunni hvort þeir félagar sýndu iðrun en í kaþólskum sið er öskudagurinn dagur iðrunar.

Verktakar sem eru að grafa fyrir nýrri álmu grunnskólans slitu ljósleiðarann í sundur og liggur Internetsamband til skólans niðri af þeim sökum. Þetta hefur ekki áhrif á vefinn þar sem hann er hýstur annarsstaðar en ekki er hægt að ná til Moodle fyrr en gert hefur verið við leiðarann. Viðgerðarmenn eru komnir á staðinn og eru að gera við. Vonum við að þetta lagist sem fyrst.