Fréttir

Skráning hefst miðvikudaginn 13.02.2013 kl. 10:55 Kúrsar í boði –

Nemendur eru duglegir að fara vítt og breitt í listljósmyndun. Auk þess að taka myndir í tengslum við verkefni sín hittast þau oft til að mynda norðurljós á kvöldin og stundum langt frameftir. Á sunnudagskvöldið gafst kjörið tækifæri, góð norðurljós, ylur í lofti og gaman að mynda. Hér er Hrönn Helgadóttir nemandi skólans við norðurljósamyndatöku á sjávarbakkanum við Ósbrekkusand.

ATH Aflið kemur í skólann 20. febrúar. Aflið eru samtök gegn kynferðis- og heimilisofbeldi sem Nemendafélagið Trölli hefur fengið til að vera með fyrirlestur í skólanum. Hann verður miðvikudaginn 20. febrúar í fundatímanum kl. 11-12 í Bókasafninu. Tugir fólks sem beitt hefur verið ofbeldi leitar aðstoðar hjá Aflinu á hverju ári. Í skýrslu samtakanna kemur fram að árið 2011 hafi leitað þangað 14 konur, 12 karlmenn og 33 aðstandendur. Trölli hvetur alla nemendur til að koma á fyrirlesturinn og kynna sér málið.

Nemendur í Tröllaskagaáfanga nutu fræðslu tveggja togarasjómanna á föstudag. Andri Viðar Víglundsson, vinnslustjóri á Kleifabergi RE og Rögnvaldur Jónsson 2. stýrimaður á sama skipi greindu frá því hvernig togveiðar fara fram. Þeir sögðu frá skipulagi vinnunnar um borð, hvernig ákveðið væri hvaða tegundir ætti að veiða og hvernig veiðarfærið troll virkar.

Nemendur í næringarfræði 2A gerðu graut úr byggi með eplum og kanel, möndlustykki og hafra-músli-köku. Markmiðið með gerð þessarra rétta var að læra að búa til holla og kolvetnaríka orkubita á einfaldan hátt. Nemendum í áfanganum smökkuðust kræsingarnar misvel en afgangurinn endaði á kennarastofunni og þótti góður.

Brynja Sigurðardóttir og Guðrún Ósk Gestsdóttir eru í hópi nemenda í áfanganum barna- og unglingaþjálfun. Menntaskólanemarnir þjálfa nemendur í Leikskóla Fjallabyggðar, Grunnskóla Fjallabyggðar og íþróttafélögum. Brynja og Guðrún Ósk segja að það sé lærdómsríkt að umgangast litla krakka og læra að halda uppi aga í tímum með þe

Nemendur í útivistaráfanga dvöldu á Bjarnargili í Fljótum í tvo sólarhringa um helgina. Markmið ferðarinnar var að nota nærumhverfið til að læra að ferðast í hópi og njóta útivistar. Ásdís Sigurðardóttir, kennari segir það hafi tekist ágætlega og nemendur verið mjög ánægðir með ferðina.

Heildarnemendafjöldi Menntaskólans er núna 176. Staðnemar, þeir sem sækja kennslustundir í skólanum, eru 142 en fjarnemer eru 34. Staðnemar eru nokkru fleiri en þeir voru á haustönn en fjarnemar eru aftur á móti heldur færri. Af fjarnemunum núna eru fjórtán sem taka einn eða tvo áfanga samhliða síðasta bekk í grunnskóla. Fjölmennustu brautirnar eru félags- og hugvísindabraut og listabraut.

Gulrætur, paprika og laukur eru meðal hráefna í hollusturétti vikunnar frá nemendum í næringarfræði 3A. Uppskriftin kemur að þessu sinni frá Guðrúnu Ósk Gestsdóttur. Hún er ekki flókin. Í henni eru ostur, kotasæla og egg auk pasta og kryddjurta. Uppgefin orka í réttinum er 5915 kílókaloríur. Nemendur og starfsmenn eru hvattir til að reyna réttinn.

Framundan er innritun á starfsbrautir fyrir fatlaða nemendur í framhaldsskólum. Innritunartímabilið verður 1. febrúar til og með 28. febrúar 2013. Foreldrar/forráðamenn og nemendur eru hvattir til að koma í skólann og ræða við Bjarkeyju Olsen Gunnarsdóttur sem sér um starfsbrautina í MTR óski þeir eftir upplýsingum eða aðstoð. Beinn sími hennar er: 460-4243 og tölvupóstur bjarkey@mtr.is