Fréttir

Gestir í stjórnmálafræðitíma á Kleifum kl. 13:30-14:30 á morgun föstudag 19. apríl verða fjórir: Bergur Þorri Benjamínsson, 6. sæti Sjálfstæðisflokks, Brynhildur Pétursdóttir, .1 sæti Bjartri framtíð, Gísli Tryggvason, 1. sæti Dögun og Steingrímur J. Sigfússon, 1. sæti Vinstrihreyfingunni grænu framboði. Tíminn er opinn – nemendur úr öðrum áföngum og starfsmenn skólans eru velkomnir á kynninguna.

Listrænar ljósmyndir fimm nemenda skólans hafa nú verið til sýnis í Quixnotic kaffihúsinu í St Paul í Minneapolis í Bandarkjunum í tíu daga. Sýningin hefur vakið nokkra athygli og meðal annars verið fjallað um hana á siglo.is þar sem heyra má viðtal Sigríðar Rutar, nema í fjölmiðlafræði, við Láru Stefánsdóttur, skólameistara, Atla Tómasson og Hrönn Helgadóttur. Þau eiga myndir á sýningunni en einnig Björn Þorleifsson, Kristín Sigurjónsdóttir og Ómar Örn Ragnarsson. http://www.siglo.is/is/frettir/getAllItems/1/nemendur-a-ljosmyndadeild-mtr-i-utras Hér má hlusta á viðtalið og sjá myndir af sýningunni.

Um eitt hundrað og fimmtíu gestir voru við opnun sýningar á verkum fimm listnemenda Menntaskólans á laugardag. Sýningin er í Bláa húsinu Gallerý við smábátahöfnina á Siglufirði og njóta verkin sín afar vel í flottu umhverfi. Verkin vöktu mikla athygli meðal sýningargesta og er fagnaðarefni fyrir nemendur og skólann hve aðsóknin var góð. Sýningin verður opin um næstu helgi.

Laugardaginn 13. apríl kl.14:00 opna fimm listnemendur við Menntaskólann á Tröllaskaga samsýninguna ,,Hið"... Sýningin er í Bláa húsinu Gallerý við smábátahöfnina á Siglufirði Nemendurnir eru allir í áfanganum MYL3B og hafa verið að skoða myndlist frá sjónarhóli fagurfræðinnar. Sýningin samanstendur af verkum sem fjalla um hið fagra, hið háleita og hið gróteska. Túlkun þeirra er ólík og nálgast þau viðfangsefnið hver með sínum hætti. Sýningin verður opin helgina 13. - 14. apríl og síðan eftir samkomulagi. Allir eru velkomnir!

Fjallamennska er hluti af því sem nemendur læra til að fá réttindi sem Björgunarmaður 1. Kennslan er bæði bókleg og verkleg. Uppsetning trygginga í snjó, að bremsa sig af með ísexi og ganga og klifra á mannbroddum var meðal þess sem æft var í Múlakollu um síðustu helgi. Kennari var Freyr Ingi Björnsson, fjallamaður frá Landsbjörgu.

Kristján Guðmundsson, ungur Dalvíkingur slasaðist mjög alvarlega í vinnuslysi fyrir tæpum tveimur árum. Hann var nær dauða en lífi eftir slysið. Kristján greindi nemendum frá því í fyrirlestri í dag hve langt er hægt að komast á jákvæðninni einni. Frásögn hans var átakanleg en líka full af húmor.

Keppnin fer fram á Akureyri um aðra helgi og verður fulltrúi MTR Lilja Björk Jónsdóttir með lagið Take me or leave me úr söngleiknum RENT. Keppnin verður stærri og með nokkuð öðru sniði en síðustu ár. Undankeppnin fer fram föstudagskvöldið 19. apríl og komast 12 skólar áfram. Aðalkeppnin verður svo á laugardagskvöldið og verður henni útvarpað beint á Rás 2.

Listljósmyndasýning fimm nemenda Menntaskólans á Tröllaskaga var opnuð í Quixnotic kaffihúsinu í St Paul í Minneapolis, Minnesota á laugardaginn. Graycloud Rios listljósmyndari sem kom og kenndi hér í miðannarviku, hreifst mjög af verkum nemenda og bauð þeim að sýna þar undir þemanu "My Iceland". Myndirnar eru í kaffihúsinu og litlum sýningarsal við hlið þess og njóta sín mjög vel.

Gestir í stjórnmálafræðitíma á Kleifum kl. 13:30-14:30 í dag: Aðalheiður Ámundadóttir, 1. sæti á lista Pírata, Höskuldur Þórhallsson, 2. sæti á lista Framsóknarflokks og Jónína Rós Guðmundsdóttir, 3 sæti á lista Samfylkingar. Tíminn er opinn – nemendur úr öðrum áföngum og starfsmenn skólans eru velkomnir á kynningurna.

Í Inngangi að listum læra nemendur meðal annars að semja tónlist og leika á hljóðfæri. Krakkar sem aldrei höfðu leikið á nokkurt hljóðfæri lærðu á einum mánuði fjögur lög. Þau notuðu trommur, bassa, gítar, hljómborð og málmspil og skiptust á um hljóðfærin. Sami hljómagangur var í öllum lögunum.