Fréttir

Keppnin fer fram á Akureyri um aðra helgi og verður fulltrúi MTR Lilja Björk Jónsdóttir með lagið Take me or leave me úr söngleiknum RENT. Keppnin verður stærri og með nokkuð öðru sniði en síðustu ár. Undankeppnin fer fram föstudagskvöldið 19. apríl og komast 12 skólar áfram. Aðalkeppnin verður svo á laugardagskvöldið og verður henni útvarpað beint á Rás 2.

Listljósmyndasýning fimm nemenda Menntaskólans á Tröllaskaga var opnuð í Quixnotic kaffihúsinu í St Paul í Minneapolis, Minnesota á laugardaginn. Graycloud Rios listljósmyndari sem kom og kenndi hér í miðannarviku, hreifst mjög af verkum nemenda og bauð þeim að sýna þar undir þemanu "My Iceland". Myndirnar eru í kaffihúsinu og litlum sýningarsal við hlið þess og njóta sín mjög vel.

Gestir í stjórnmálafræðitíma á Kleifum kl. 13:30-14:30 í dag: Aðalheiður Ámundadóttir, 1. sæti á lista Pírata, Höskuldur Þórhallsson, 2. sæti á lista Framsóknarflokks og Jónína Rós Guðmundsdóttir, 3 sæti á lista Samfylkingar. Tíminn er opinn – nemendur úr öðrum áföngum og starfsmenn skólans eru velkomnir á kynningurna.

Í Inngangi að listum læra nemendur meðal annars að semja tónlist og leika á hljóðfæri. Krakkar sem aldrei höfðu leikið á nokkurt hljóðfæri lærðu á einum mánuði fjögur lög. Þau notuðu trommur, bassa, gítar, hljómborð og málmspil og skiptust á um hljóðfærin. Sami hljómagangur var í öllum lögunum.

Kennsla hefst samkvæmt stundaskrá á morgun. Tómlegt hefur verið á göngum skólans yfir hátíðina og ærin Dolly og lömbin hennar, Barny og Bonny, hafa getað hlaupið um að vild. Erla, Fanney Björg, Hulda og Lóa Rós gerðu myndbandið WHEN THE WOODEN LAMBS RAN AWAY í miðannarvikunni undir leiðsögn Alice Liu.

Nemendafélagið Trölli stóð fyrir uppákomu í anddyri skólans í hádeginu til að létta lundina á þessum síðasta kennslusdegi fyrir páska. Leikir, þrautir og léttar æfingar voru á dagskránni og hægt að vinna gjafabréf frá ýmsum fyrirtækjum auk miða á árshátíð skólans sem haldin verður á Kaffi Rauðku í kvöld. Kristinn Arnar Hauksson nemandi á listabraut tók myndirnar.

Úrslit ráðast í stuttmyndakeppni starfsbrauta framhaldsskólanna í kvöld. Framlag nemenda á starfsbraut MTR er myndin Bakkabræður og silfur hafsins sem tekin var á Siglufirði, Ólafsfirði og Dalvík á haustönninni. Allir nemendurnir hafa hlutverk í myndinni og sumir fleiri en eitt. Nemendur önnuðust einnig klippingu og frágang myndarinnar.

Nemendur í ensku 2B og 1U auka þessa dagana orðaforða sinn með því að spila leik á freerice.com vefsíðunni. Í leiðinni safna þau hrísgrjónum fyrir þurfandi. Í hópunum eru 57 nemendur og hafa þeir þegar þetta er skrifað safnað nægum hrísgrjónum til að fæða 35 einstaklinga í einn dag. Þetta er einstaklingskeppni og nokkur harka í henni.

Nemendur í íslensku 3B eru þessa dagana að kynna íslenska rithöfunda og skáld frá tímabilinu 1990-2010. Kynningin á að vekja áhuga áheyrenda og hafa nemendur nokkuð frjálsar hendur um hvort þeir lesa úr verkum viðkomandi, taka viðtal eða sýna höfund sinn koma fram eða brot úr myndverkum sem byggð eru á bókmenntunum.

Hljómsveitin TURTLE TACO EXPERIENCE tekur þátt í Músíktilraunum fyrir hönd Menntaskólans. Hljómsveitin leikur tvö frumsamnin pop-rokkög og eru textarnir einnig frumsamdir. Átta nemendur eru í sveitinni, sex strákar og tvær stúlkur og eru textar laganna eftir þær.