13.09.2013
Tröllaskagi er þekktur á heimsvísu í hópi fólks sem rennir sér á skíðum utan brauta í bröttum fjöllum. Margar erlendar ferðaskrifstofur selja fjallaskíðaferðir á skagann og á háannatímanum, í apíl og maí, fylla þessir gestir nær allt gistirými í Svarfaðardal, Skíðadal, á Dalvík og í Ólafsfirði. Þetta kom fram hjá Jökli Bergmann þegar hann heimsótti nemendur í Tröllaskagaáfanga.
Lesa meira
12.09.2013
Sifjar eru þema vikunnar í mannfræðiáfanganum FÉL3B. Sifjakerfin veita einstaklingum stöðu, eru öryggisnet og hafa áhrif á hegðun. Til að þekkja stöðu sína og kunna að hegða sér rétt þarf fólk að kunna að rekja ætt sína. Hér sýnir Elfa Sif hverngi ættartré lítur út ef ætt er rakin í kvenlegg en Finnur sýnir dæmi um ættrakningu í karllegg.
Lesa meira
11.09.2013
Mikið stendur til í félagslífi nemenda á föstudag. Kennsla fellur niður frá hádegi og nemendur taka þátt í að reka fjársafn Ólafsfirðinga í gegn um bæinn. Fjárhópurinn fer eftir götunum til réttar. Ólík iðja verður upp tekin á föstudagskvöld þegar áhugamenn um tölvuleiki og kvikmyndir hittast í skólanum.
Lesa meira
10.09.2013
Nemendur í Tröllaskagaáfanga kíktu á mannlífið í Ittoqqortoormiit í gær í gegn um glugga Byggðasafnsins Hvols á Dalvík í leiðsögn Írisar Ólafar Sigurjónsdóttur, forstöðumanns safnsins. Ittoqqortoormiit er fimm hundruð manna bær norðarlega á austurströnd Grænlands. Í kílómetrum talið er Bolungarvík næsti þéttbýlisstaður.
Lesa meira
05.09.2013
Oftast kennir kennari nemendum, þess vegna hefur hann þennan titil. En stundum er hlutverkum snúið við. Einn nýju kennaranna í MTR kemur frá Bandaríkjunum og kann lítið í tungumálinu okkar. Meðal þeirra sem vinna hörðum höndum að því að bæta íslenskukunnáttu Jeromys eru nemendur á starfsbraut.
Lesa meira
04.09.2013
Gaman er að læra að renna sér á brimbretti. Ekki síst þegar veðrið er kyrrt og sólin skín eins og í dag. Öldurnar vantaði að vísu en kom ekki að sök þar sem þetta var frumraun nemendanna í sjónum. Æfð voru tækinileg atriði við meðferð brettis og annars búnaðar.
Lesa meira
03.09.2013
Síldarminjasafnið er í auknum mæli upplifunarsafn. Í sumar hafa verið haldnar þar tuttugu og fimm sýningar á síldarsöltun en skipulagðar sýningar af því tagi á vegum safnsins eru aðeins sex eða sjö yfir sumarið. Ferðaskrifstofur hafa pantað flestar sýningarnar fyrir hópa á sínum vegum. Talsverð fyrirhöfn fylgir hverri sýningu, það þarf að útvega síld, kalla út nokkrar síldarstúlkur og fleira
Lesa meira
29.08.2013
Sigurður Ægisson prestur á Siglufirði er einn af velunnurum skólans. Hann var svo höfðinglegur að gefa okkur myndverk í sumar sem nú prýðir skólann. Þetta er vatnslitamynd sem Sigurður málaði árið 1999 og nefnist Tímans tönn. Hún sýnir part úr húsi sem búið er að rífa en var í Sléttuhlíð á Tröllaskaga. Ryðið er að naga sig í gegnum bárujárnið.
Lesa meira
27.08.2013
Alice Liu var gestur í Tröllaskagaáfanga í gær ásamt Joie Hryggur So. Alice stýrir Listhúsinu í Ólafsfirði en Joie er einn fimm listamanna sem dvelur nú í húsinu. Þetta er annað árið sem Alice rekur Listhúsið. Á þeim tíma hafa um fjörutíu listamenn dvalið í húsinu og þeir verða um fimmtíu í árslok.
Lesa meira
23.08.2013
Menntaskólinn á Tröllaskaga tekur þátt í Comeniusarverkefni með þemur skólum í jafn mörgum löndum, Ítalíu, Spáni og Þýskalandi. Verkefnið snýst um vatn og mikilvægi þess fyrir lífríki og samfélag manna. Fengist hefur styrkur að upphæð um fjórar milljónir króna úr Menntaáæltun ESB. Verkefnið stendur í tvö ár og felur í sér umfangsmiklar nemendaheimsóknir.
Menntaskólinn á Tröllaskaga leiðir verkefnið og verður Inga Eiríksdóttir, stærðfræðikennari í forsvari fyrir hönd skólans. Fyrsta heimsóknin er í næsta mánuði þegar tuttugu manna hópur nemenda og kennara frá Ítalíu, Spáni og Þýskalandi kemur og dvelur í MTR í viku. Gestirnir læra ljósmyndun, ferðast um Tröllaskaga og nágrenni auk þess að kynnast nemendum menntaskólans og öðru sem vekur áhuga þeirra á vettvangi.
Lesa meira