Fréttir

Nemendur í nýsköpunaráfanga skólans skipuleggja viðburði næstu vikur til að lífga upp á skólabraginn. Fyrsti viðburðurinn var í dag þegar fjögurra manna hópur bauð samnemendum og starfsmönnum að bragða múffur sem hann hafði bakað. Þær voru í ýmsum litum og vel af kremi með þannig að að ekki er hætta á að þeir horist sem nutu veitinganna.

Árni Páll Árnason, formaður Samfylkingarinnar og Kristján L. Möller þingmaður flokksins í Norðausturkjördæmi heimsóttu skólann í dag. Lára Stefánsdóttir, skólameistari sýndi þeim húsakynni og fræddi um skólastarfið auk þess sem rætt var um þær hugmyndir sem uppi eru um samstarf framhaldsskólanna á Norðurlandi

Starfsbrautarnemar gerðu góðan túr í Skagafjörð í gær. Þetta var fræðslu- og skemmtiferð í tengslum við áfangana Tilveran og Tröllaskagi. Á Sauðárkróki heimsótti hópurinn hjón sem rækta skrautfiska og ávexti. Keyptir voru nokkrir litlir sverðdragar sem nú synda glaðir í búri í skólanum.

Innritun í fjarnám er lokið, aðsókn var mjög mikil en skólinn innritar einungis nemendur í fjarnám í þá hópa sem til eru fyrir í laus pláss. Vísa þurfti fjölmörgum frá sem höfðu hug á að stunda fjarnám, fjárveiting af fjárlögum er fullnýtt og ekki hægt að bæta við miðað við núverandi fjárhag skólans.

Sjötta starfsár Menntaskólans á Tröllaskaga er hafið. Lára Stefánsdóttir skólameistari setti skólann í Tjarnarborg í morgun. Hún minnti nemendur á einkunnarorð skólans, frumkvæði – sköpun – áræði, og hvatti þá til þess að hafa þau að leiðarljósi í námi sínu. Um tvö hundruð og þrjátíu nemendur eru skráðir í skólann, álíka margir og á síðustu önn.

Stundatöflur nemenda eru nú aðgengilegar í Innu. Vilji nemendur breyta um áfanga er það hægt til 21. ágúst 2015. Hægt er að segja sig úr áfanga (en ekki fá nýja inn) til 1. september. Eftir það verða nemendur að ljúka áföngum sínum.

Skólinn verður settur þann 18. ágúst klukkan 8:30 í Tjarnarborg og hefst kennsla að skólasetningu lokinni.

Starfsmenn skólans eru nú í sumarleyfi til 5. ágúst.

Jóskur framhaldsskóli og Menntaskólinn á Tröllaskaga hafa fengið styrk frá Menntaáætlun norrænu ráðherranefndarinnar, Nordplus, að upphæð fimm og hálf milljón króna. Samstarfsverkefni skólanna snýst um að samþætta náttúrufræði, útivist og íþróttir og dönsku. Tveir hópar taka þátt í verkefninu, annar í Menntaskólanum á Tröllaskaga, hinn í Fjordvang Ungdomsskole á Jótlandi í Danmörku

Tvær stúlkur í 10. bekk í Grunnskóla Fallabyggðar luku dönskuáfanganum 2B með myndbandi. Nokkuð er um að grunnskólanemar taki staka áfanga í fjarnámi í MTR samhliða 10. bekk. Nemendur í dönskuáfanganum áttu að gera lokaverkefni þar sem þeir kynntu eigin menningu á dönsku eða fjölluðu um danska menningu á dönsku