Fréttir

20. og 21. nóvember verður haldinn flóamarkaður í húsnæði Menntaskólans á Tröllaskaga til styrktar nemendafélagi Menntaskólans. Opnunartími er 13 - 17 bæði laugardag og sunnudag og heitt kaffi á könnunni. Fjórir nemendur skólans þær Arndís, Hildur, Bergdís og Aldís eru með fullt af sniðugu dóti en minna á að þær eru ekki með posa. Myndir hér

Hægt er að sækja um skólavist í Menntaskólanum á Tröllaskaga dagana 1.-26. nóvember á http://framhaldsskolar.menntagatt.is/innritun/ Athugið að erfitt er að fást við umsóknir sem berast eftir þann tíma. Þeir sem þegar hafa sótt um eru beðnir um að staðfesta umsóknirnar.

Mánudag og þriðjudag, 1. og 2. nóvember, verða engar áætlunarferðir/skólaakstur vegna vetrarfrís Grunnskóla Fjallabyggðar.

Í dag komu í skólann félagar í Stjörnuskoðunarfélagi Seltjarnarness þau Sævar, Kristín Helga og Ottó og færðu skólanum Galíleósjónauka að gjöf. Einnig fengum við tvö eintök af tímariti félagsins um stjörnufræði. Okkur þótti þetta einstaklega gleðilegt og merkilegt framtak og þökkum fyrir þessa frábæru gjöf. 

  Fyrstu vikuna í nóvember er fyrirhugað að gera könnun á högum og líðan ungmenna í  öllum framhaldsskólum á Íslandi. Könnun þessi er samkvæmt rannsóknaráætlun Rannsókna og greiningar meðal ungmenna í samstarfi við mennta- og menningarmálaráðuneytið en auk þess kemur Lýðheilsustöð að verkefninu. Hér geta foreldrar nemenda yngri en 18 ára nálgast bréf með frekari upplýsingum um könnunina.  Foreldrabréf

Opið verður fyrir umsóknir um skólavist á vorönn 2011 dagana 1.-26. nóvember 2010. Þá geta þeir sem ekki eru nú í skólanum óskað eftir skólavist á vorönn með því að skrá sig á Menntagátt. Valkostir á vorönn liggja nú fyrir eins og sjá má hér á heimasíðu skólans. Gott væri að nefna í athugasemdareit þá áfanga sem viðkomandi hefur hug á að taka.

Dagana 19. október til 2. nóvember standa yfir valdagar fyrir vorönn. Þá geta nemendur valið sér nám fyrir vorönn úr þeim áföngum sem eru til boða (sjá neðar). Nemendur sem ekki velja sér nám geta ekki treyst því að þeir hafi námsvist á vorönn. 

Nemendur gátu sagt sig úr áföngum og breytt um áfanga fyrsta mánuðinn í skólanum. Eftir það er ekki hægt að segja sig úr áföngum. Við höfum leiðsagnarmat sem þýðir símat alla önnina og nú um miðja önn eru nemendur búnir að móta heilmikið af einkunn sinni fyrir önnina.  Ekki er hægt að segja sig úr áfanga núna og ljúka nemendur þeim áföngum sem þeir eru skráðir í með þá einkunn sem mótast yfir alla önnina. Hætti þeir núna fá þeir einkunn fyrir áfanga í samræmi við vinnuframlag og vægi verkefna sem lokið er.

Næsta vika er miðannarvika sem þýðir að nemendur í lotuáföngum sem þessa önnina eru listljósmyndun og verkefnaáfangi sem kallaður er "miðannaráfangi" mæta allan daginn frá 8:20 - 15:20. Fyrir hvern klukkutíma sem nemendur vantar þessa dagana er gefin fjarvist líkt og í aðrar kennslustundir. –Aðrir nemendur mæta ekki í kennslu þessa viku þar sem kennarar vinna að miðannarmati. Mánudaginn 18. október liggur miðannareinkunn fyrir og þá sjá nemendur hvar þeir standa þegar um helmingi náms á haustönn er lokið. 

Foreldrum og öðrum aðstandendum nemenda skólans gefst kostur á að mæta á fund, kynnast skólastarfinu og ræða við starfsmenn. Einnig þarf að stofna foreldrafélag við skólann sem gert verður á þessum fundi. Ef einhverjar sérstakar spurningar eru hjá foreldrum er ágætt að senda póst á mtr@mtr.is þannig að hægt sé að svara því sérstaklega á fundinum.