Fréttir

Í dag stóð hópur nemenda í Menntaskólanum á Tröllaskaga fyrir innanhúsmóti í fótbolta fyrir unglingadeild Grunnskóla Fjallabyggðar. Mótið er verkefni í sprotaáfanga þar sem nemendur vinna eigin verkefni, alveg frá hugmynd til lokaframkvæmdar. Það er óhætt að segja að mótið hafi gengið vel og vakið lukku meðal unglinganna.  Mikið kapp var í liðunum og réðust úrslit í verðlaunasætum ekki fyrr en eftir bráðabana. Hér er hægt að skoða myndir sem Inga Eiríksdóttir tók á mótinu.

Þriðjudaginn 7. desember verð Jólatónleikar á vegum nemenda Menntaskólans á Tröllaskaga til styrktar Barnaspítalasjóði Hringsins Tónleikarnir eru verkefni hóps nemenda í  svokölluðum Miðannaráfanga við Menntaskólann á Tröllaskaga. Í áfanganum vinna nemendur eigin verkefni, alveg frá hugmynd til lokaframkvæmdar. Verkefnin hafa verið af ýmsum toga og hefur hugmyndaflug nemenda ráðið för.  Auk skipulagningar jólatónleikanna, hefur verið haldinn flóamarkaður og LAN-mót. Haldið verður innanhússmót í fótbolta fyrir unglinga n.k. þriðjudag,  gefa á út uppskriftabæklinga á netinu og gera á viðhorfskönnun  hjá eldri grunnskólanemendum um sameiningu skólanna. Einnig er hópur að skoða  markaðsmöguleika fyrir hestaleigu á svæðinu svo eitthvað sé nefnt.  Áfanginn hefur einmitt miðað að því að opna fyrir sköpunarkraft nemenda og gera þá óhrædda við að prófa, framkvæma og þróa eigin hugmyndir.

Greiðsluseðlar fyrir efnisgjöld á haustönn fóru út fyrir stuttu, allt of seint að okkar mati en annir hafa verið miklar við að koma skólanum í gang. Við viljum biðjast velvirðingar á því en efnisgjöldin eru sem hér segir: Inngangur að listum 2.000.- Listljósmyndun 2.000.- Myndlist 4.000.- Gjöldin verða innheimt fyrr á vorönn.

Samkvæmt heimasíðu Fjallabyggðar  verður breytt fyrirkomulag á skóla- og frístundaakstri  frá 30. nóvember og fram að áramótum Hér má sjá breytta aksturstöflu fyrir 30. nóvember til 5. desember.

20. og 21. nóvember verður haldinn flóamarkaður í húsnæði Menntaskólans á Tröllaskaga til styrktar nemendafélagi Menntaskólans. Opnunartími er 13 - 17 bæði laugardag og sunnudag og heitt kaffi á könnunni. Fjórir nemendur skólans þær Arndís, Hildur, Bergdís og Aldís eru með fullt af sniðugu dóti en minna á að þær eru ekki með posa. Myndir hér

Hægt er að sækja um skólavist í Menntaskólanum á Tröllaskaga dagana 1.-26. nóvember á http://framhaldsskolar.menntagatt.is/innritun/ Athugið að erfitt er að fást við umsóknir sem berast eftir þann tíma. Þeir sem þegar hafa sótt um eru beðnir um að staðfesta umsóknirnar.

Mánudag og þriðjudag, 1. og 2. nóvember, verða engar áætlunarferðir/skólaakstur vegna vetrarfrís Grunnskóla Fjallabyggðar.

Í dag komu í skólann félagar í Stjörnuskoðunarfélagi Seltjarnarness þau Sævar, Kristín Helga og Ottó og færðu skólanum Galíleósjónauka að gjöf. Einnig fengum við tvö eintök af tímariti félagsins um stjörnufræði. Okkur þótti þetta einstaklega gleðilegt og merkilegt framtak og þökkum fyrir þessa frábæru gjöf. 

  Fyrstu vikuna í nóvember er fyrirhugað að gera könnun á högum og líðan ungmenna í  öllum framhaldsskólum á Íslandi. Könnun þessi er samkvæmt rannsóknaráætlun Rannsókna og greiningar meðal ungmenna í samstarfi við mennta- og menningarmálaráðuneytið en auk þess kemur Lýðheilsustöð að verkefninu. Hér geta foreldrar nemenda yngri en 18 ára nálgast bréf með frekari upplýsingum um könnunina.  Foreldrabréf

Opið verður fyrir umsóknir um skólavist á vorönn 2011 dagana 1.-26. nóvember 2010. Þá geta þeir sem ekki eru nú í skólanum óskað eftir skólavist á vorönn með því að skrá sig á Menntagátt. Valkostir á vorönn liggja nú fyrir eins og sjá má hér á heimasíðu skólans. Gott væri að nefna í athugasemdareit þá áfanga sem viðkomandi hefur hug á að taka.