Fréttir

Hér má finna tímaáætlun Fjallabyggðar fyrir skólaakstur 2011-2012. Nemendur Menntaskólans á Tröllaskaga geta nýtt ferðirnar endurgjaldslaust. 

Ritstuldur er algerlega óheimill í Menntaskólanum á Tröllaskaga og strangt tekið á brotum á honum. Glöggvið ykkur á reglum um meðferð höfundarréttar og ritstuld undir skólinn - skólareglur ásamt viðurlögum vegna brota.

Verð til nemenda: Verð fyrir þá sem greiða allan mánuðinn:845 kr. máltíðin Stakar máltíðir ( þmt klippikort ): 970 kr. máltíðin

Tímasetningar rútuferða eru á heimasíðu Fjallabyggðar en ferðir komast í fastar skorður þegar grunnskólinn hefst. Þangað til eru ferðir í upphafi skóladags og við lok hans í Menntaskólanum á Tröllaskaga. Ferðirnar eru: 08:10 frá Torginu á Siglufirði 16:40 frá Menntaskólanum á Tröllaskaga

Allar kennslustundir eru samkvæmt stundatöflu fyrsta skóladaginn. Ekki er formleg setningarathöfn en námsráðgjafi og skólameistari ganga í kennslustundir og heilsa upp á nemendur.  Allar tölvur þarf að skrá hjá húsverði annars geta nemendur átt von á því að þær detti fyrirvaralaust út af neti skólans. Nemendur þurfa að mæta með tölvur í allar kennslustundir  Námsefni, verkefni og próf eru í kennslukerfi skólans á mánudagsmorgnum.

Þann 1. september nk. kl. 20:00 er fundur í Menntaskólanum á Tröllaskaga með forráðamönnum nemenda. Eru þeir hvattir til að mæta og kynna sér skólastarfið.

Hér eru þær bækur sem nú er áætlað að nemendur þurfi á haustmisseri. Eitthvað getur bæst við síðar á önninni og mun kennari þá tilkynna það: SÁL2A05 Inngangur að sálfræði, höf. Kristján Guðmundsson og Lilja Ósk Úlfarsdóttir, útg. JPV útgáfa, fyrsta útg. 2008, endurprentun 2010. LOL2A05 Líffæra- og lífeðlisfræði, fyrra bindi, E.P. Solomon og G.A. Phillips. Regína Stefnisdóttir þýddi. ÍSL3A05 Silja Aðalsteinsdóttir. Bók af bók. Bókmenntasaga og sýnisbók frá 1550-1918. Forlagið 2003. ISBN 9979-3-0561-4. (eldri útgáfur ganga líka). 

Eldri nemendur geta farið í Innu og séð sínar töflur, nýnemar ættu að hafa fengið lykilorð sent til sín. Ósk um töflubreytingar má síðan senda skriflega á Jónu Vilhelmínu Héðinsdóttur villa@mtr.is eða skila skriflega þegar skóli byrjar.

Stundatöflur eru ekki tilbúnar en fyrir mistök gátu nemendur séð vinnuferlið og töldu margir að hér væri um að ræða lokaútgáfu stundatöflu. Svo er ekki og getur taflan orðið gerólík því í lokin frá því sem hún er á meðan verið er að vinna við hana. Við biðjumst velvirðingar á þessu, við áttuðum okkur ekki á þessu fyrr en eldri nemendur fóru að tala um töflubreytingar. Endanleg útgáfa stundatöflu verður sett inn föstudaginn 19. ágúst og fyrstu mögulegu breytingar á henni eru þegar skóli byrjar 22. ágúst kl. 8:30. Þá er sótt um breytingar á eyðublöðum í afgreiðslu skólans.  Nýnemar fá send lykilorð þegar töflur eru tilbúnar. Skólameistari.

Nú hefur verið gengið frá skólavist fyrir þá sem hafa greitt skólagjöldin og þeir sem voru á biðlista hafa fengið skólavist. Ef einhver hefur ekki fengið svar þá er hann beðinn að hafa samband við skólann sem fyrst. Hægt er að koma nemendum inn á ákveðnar brautir og í áfanga sem eru ekki yfirfullir.