Fréttir

Hér eru þær bækur sem nú er áætlað að nemendur þurfi á haustmisseri. Eitthvað getur bæst við síðar á önninni og mun kennari þá tilkynna það: SÁL2A05 Inngangur að sálfræði, höf. Kristján Guðmundsson og Lilja Ósk Úlfarsdóttir, útg. JPV útgáfa, fyrsta útg. 2008, endurprentun 2010. LOL2A05 Líffæra- og lífeðlisfræði, fyrra bindi, E.P. Solomon og G.A. Phillips. Regína Stefnisdóttir þýddi. ÍSL3A05 Silja Aðalsteinsdóttir. Bók af bók. Bókmenntasaga og sýnisbók frá 1550-1918. Forlagið 2003. ISBN 9979-3-0561-4. (eldri útgáfur ganga líka). 

Eldri nemendur geta farið í Innu og séð sínar töflur, nýnemar ættu að hafa fengið lykilorð sent til sín. Ósk um töflubreytingar má síðan senda skriflega á Jónu Vilhelmínu Héðinsdóttur villa@mtr.is eða skila skriflega þegar skóli byrjar.

Stundatöflur eru ekki tilbúnar en fyrir mistök gátu nemendur séð vinnuferlið og töldu margir að hér væri um að ræða lokaútgáfu stundatöflu. Svo er ekki og getur taflan orðið gerólík því í lokin frá því sem hún er á meðan verið er að vinna við hana. Við biðjumst velvirðingar á þessu, við áttuðum okkur ekki á þessu fyrr en eldri nemendur fóru að tala um töflubreytingar. Endanleg útgáfa stundatöflu verður sett inn föstudaginn 19. ágúst og fyrstu mögulegu breytingar á henni eru þegar skóli byrjar 22. ágúst kl. 8:30. Þá er sótt um breytingar á eyðublöðum í afgreiðslu skólans.  Nýnemar fá send lykilorð þegar töflur eru tilbúnar. Skólameistari.

Nú hefur verið gengið frá skólavist fyrir þá sem hafa greitt skólagjöldin og þeir sem voru á biðlista hafa fengið skólavist. Ef einhver hefur ekki fengið svar þá er hann beðinn að hafa samband við skólann sem fyrst. Hægt er að koma nemendum inn á ákveðnar brautir og í áfanga sem eru ekki yfirfullir. 

Kennsla hefst 22. ágúst samkvæmt stundaskrá sem nemendur sjá í Innu. 

Nú hafa yfir 100 manns verið innritaðir fyrir næstu haustönn í skólann. Það er töluvert meira en við áttum von á og nokkrir eru á biðlista sem verður afgreiddur í byrjun ágúst. Þeir sem hafa áhuga á að komast á hann sendi póst til skólans mtr@mtr.is

Nemendur sem vilja þreyta stöðupróf í ensku, dönsku, frönsku, ítölsku, norsku, spænsku, stærðfræði, sænsku eða þýsku geta gert það í Menntaskólanum við Hamrahlíð samkvæmt eftirfarandi upplýsingum: http://www.mh.is/skolinn/exam/ Gætið þess að skrá ykkur tímalega í próf.

Í dag útskrifuðust 2 stúdentar frá skólanum.  Athöfnin fór fram í Ólafsfjarðarkirkju en á eftir þáðu gestir kaffi í skólanum.   

Nú nýverið voru auglýst eftir kennurum til starfa við skólann í 5 kennslugreinum ásamt starfsbraut í allt um 2-3 störf. Alls sóttu 25 einstaklingar um þessi störf sem gerir okkur í skólanum stolt yfir því hversu margir vilja kenna nemendunum okkar ásamt því að heilmikil vinna er að vinna úr umsóknunum. Byrjað er að vinna úr umsóknunum og vonast til að því verði lokið í þessari viku að eins miklu leyti og mögulegt er.

Laugardaginn 14. maí kl. 14:00 - 16:00 verður sýning á verkum nemenda. Nemendur verða með ferðakynningu þar sem þau kynna ferðahugmyndir á Tröllaskaga og hægt verður að ræða við þau um viðfangsefnið. Síðan verður sýning nemenda í fagurlistum og listljósmyndum á portrettmyndum og verk sem hafa verið unnin í úrgangslist. Við vonumst til að sjá sem flesta!