Fréttir

Síðasta vika var miðannarvika og þá er engin hefðbundin kennsla. Kennarar sinna námsmati og undirbúa síðari hluta annarinnar en nemendur í staðnámi fást við ný og fjölbreytt verkefni í vikunni og njóta leiðsagnar nýrra kennara. Að þessu sinni gátu nemendur valið milli tveggja námskeiða; kínversku og útivistar.

Bergþór Morthens listakennari og Lára Stefánsdóttir skólameistai eru nú stödd á Möltu vegna fundar í stýrihóp Erasmus+ verkefnis sem kallast TRinE eða Telerobotics in Education sem við gætum þýtt sem Nærverur í námi.

Í ljósi aðstæðna, fjölda Covid-smita og slæmrar veðurspár, verður fjarkennt í dagskóla þessa viku. Nemendur og kennarar verða heima en mæta til kennslu og náms í fjarkennslustofu samkvæmt stundaskrá. Kennarar setja upp tengil á fjarkennslustofu sem er aðgengilegur fyrir nemendur í hverjum áfanga inni á Moodle. Nemendur skrá sig einnig í vinnutíma að heiman. Skólinn er opinn ef nemendur vilja koma þangað og læra.

Í dag komu ítalskir nemendur í heimsókn í skólann. Ekki í eigin persónu reyndar heldur í gegn um Evu sem er önnur af tveimur nærverum skólans. Ítölsku nemendurnir stýrðu nærverunni um skólahúsið og okkar fólk sýndi þeim skólann og heilsuðu upp á nemendur og starfsfólk.

Í morgun var vegurinn um Ólafsfjarðarmúla lokaður vegna snjóflóðahættu. Nemendur og kennarar sem búa á Akureyri og Dalvík komust því ekki í skólann í morgun. Leiðin opnaðist um kl. 10 og óvissustigi aflétt kl. 11:17. Hins vegar er greiðfært til Siglufjarðar og því er eðlilegt skólahald þó hluta nemenda og kennara hafi vantað í byrjun dagsins.

Í dag hlýddu nemendur á kynningu hjá Geðfræðslufélaginu Hugrúnu. Þar fengu þau m.a. fræðslu um þunglyndi og kvíða og voru hvött til að leita sér hjálpar ef eitthvað bjátar á.

Hlutfall almenns sorps frá skólanum hefur minnkað verulega síðustu ár. Í fyrra var það um fjórðungur af heildarþyngd sorpsins en 75% árið 2017. Þá hefur heildarmagn úrgangs sömuleiðis minnkað mikið undanfarin ár eða úr hálfu öðru tonni 2017 niður í 250 kg. í fyrra.

Íþróttafélagið Söruklúbburinn hefur hrundið af stað átaki hjá starfsfólki MTR sem miðar að því að standa upp frá tölvunni og gera æfingar og koma blóðinu á hreyfingu. Starfsfólk er dreift um allar trissur og sjaldnast í húsi öll í einu og því er hægt að taka þátt í fjarfundi.

Fjórir nemendur skólans sluppu ómeidd úr bílveltu á afleggjaranum að Hauganesi í morgun. Mikil hálka og hvassviðri var á staðnum. Bíllinn var á lítilli ferð og endaði á hvolfi utan vegar

Rafíþróttamenn MTR sigruðu alla sína leiki í fyrstu umferð Framhaldsskólaleikanna í rafíþróttum sem fram fór í gær. Keppt var í þremur tölvuleikjum; CS:GO, Rocket League og FIFA 22.