Fréttir

Kennsla hefst samkvæmt stundaskrá miðvikudaginn 5. janúar. Sóttvarnarreglur heimila nokkuð eðlilegt skólahald en þó hefur verið hert á fjöldatakmörkunum.

Í dag brautskráðust 39 nemendur frá Menntaskólanum á Tröllaskaga. Þetta var 23. brautskráningarathöfnin frá stofnun skólans og hafa nú alls 427 nemendur lokið prófi frá skólanum.

Í dag, laugardaginn 11. desember verður opnuð sýning á verkum nemenda í skólanum. Sýningin verður í skólahúsinu frá kl. 13-16 en einnig á netinu. Á sýningunni er afrakstur vinnu nemenda frá haustönninni undir kjörorðunum frumkvæði, sköpun og áræði.

Innritun í fjarnám fyrir vorönn 2022 er nú lokið. Umsækjendur sjá stöðu sína í Innu (www.inna.is) og ættu flestir að vera búnir að fá greiðsluseðla í heimabanka. Þar sem sumir námshópar eru yfirbókaðir verður ekki hægt að lofa þeim skólavist sem ekki ganga frá greiðslum á réttum tíma. Nemendur geta sótt um greiðslufrest til fjármálastjóra skólans, Ingu Eiríksdóttur, inga@mtr.is

Verkleg efnafræði er spennandi og í raungreinastofu skólans eru ýmsar spennandi græjur. Tölfræðinemendur Unnar Hafstað stærðfræðikennara höfðu um skeið rennt hýru auga til þessara tækja og báðu um að fá að gera efnafræðitilraunir.

Jólakvöld nemendafélagsins var haldið í skólanum á fimmtudagskvöld. Starfsfólki var einnig boðið til veislu og skemmtunar í skólanum. Kvöldið tókst mjög vel, salurinn var fallega skreyttur, skipulagið gott og samvinna nemenda til fyrirmyndar.

Kennsla í hjartahnoði og meðferð hjartastuðtækis fór fram í hádeginu í dag. Það var Harpa Hlín Jónsdóttir skyndihjálparkennari, björgunarsveitarkona og sjúkraliði sem kom í skólann og leiðbeindi starfsfólki og nemendum í fyrstu hjálp.

Átakið Roðagyllum heiminn hófst í dag í skólanum með mandarínu- og snúðaveislu ásamt sýningu á gagnvirku listaverki eftir Idu Semey, kennara skólans. Átakið stendur í 16 daga og lýkur á mannréttindadegi Sameinuðu þjóðanna 10. desember.

Þorsteinn V. Einarsson kynjafræðingur var með fyrirlestur fyrir nemendur skólans í dag. Þar ræddi hann um rótgrónar karlmennskuhugmyndir sem eru hamlandi fyrir öll kyn og skaðlegar fyrir þróun samfélagsins í átt til jafnræðis milli allra hópa.

Í gær fylltist skólinn af ungum skáldum sem sátu við yrkingar frá morgni og framundir hádegi. Þetta voru nemendur úr 8. - 10. bekk Grunnskóla Fjallabyggðar sem þarna voru að taka þátt í ljóðasamkeppni. Af þessu tilefni var sett upp myndlistarsýning með verkum nemenda MTR og notuðu ungskáldin verkin sem innblástur fyrir ljóðagerðina.