Vinnu- og menningarferð

Hópur nemenda MTR seldi dagatal til styrktar Unicef í Feneyjum, við Gardavatnið og í Verona á Ítalíu í síðustu viku. Dagatalið er afrakstur Comeníusarverkefnis þar sem þemað er vatn. Nemendur héðan og úr þremur skólum á Ítalíu, Spáni og í Þýskalandi tóku myndirnar. Sex nemendur og tveir kennarar héðan tóku þátt í ferðinni.

Hópur nemenda MTR seldi dagatal til styrktar Unicef í Feneyjum, við Gardavatnið og í Verona á Ítalíu í síðustu viku. Dagatalið er afrakstur Comeníusarverkefnis þar sem þemað er vatn. Nemendur héðan og úr þremur skólum á Ítalíu, Spáni og í Þýskalandi tóku myndirnar. Sex nemendur og tveir kennarar héðan tóku þátt í ferðinni.

Á leiðinni til Ítalíu áði hópurinn tvo daga í París. Þar prófuðu nemendur ýmislegt svo sem að herða sig upp í að fara ein í jarðlestina, að þora að tjá sig á erlendu tungumáli að þora að spyrja og leita upplýsinga og að leggja í að prófa framandi rétti á veitingastöðum. Reynslan kom sér vel þegar til Ítalíu kom því þar voru enn fjölbreyttari réttir í boði. En meðal þess sem bragðað var á í ferðinni voru sniglar í hvítlauskssmjöri, svart spaghetti (soðið í beki af smokkfiski), kolkrabbi, skelfiskur, stór og lítill krabbi, risarækjur, smáhumar, túnfiskur, hrár og grillaður, smokkfiskur, anjósur og sardínur. Kennararnir sem voru með í ferðinni hrósa nemendum fyrir að hafa verið opin og glaðleg í ferðinni og tilbúin að reyna nýja hluti.

Nemendur eru á einu máli um að ferðin hafi verið mjög lærdómsrík og skemmtileg. Þau viðurkenna að hafa farið út fyrir þægingdaramma sinn á ýmsum sviðum.Kara Gautadóttir segir að ferðalagið hafi verið æðislegt, hún gæti vel hugsað sér að búa á Ítalíu. Fólk sé vinalegt, landið fallegt og gott að borða. Í París hafi verið meiri umferðarþungi og ys en hún myndi vilja fara þangað aftur. Athyglisverðast hafi verið að fara upp í Effelturninn, skoða brúna með lásunum við Notre Dame og Sacre Coeur kirkjuna. Í París komust nemendur að því að það er annað að rata um borg en að rata í landslagi og þeir voru til að byrja með ekki sérlega læsir á borgarumhverfið.

Fyrir utan þá staði sem þegar hafa verið nefndir skoðaði hópurinn meðal annars vínekrur þar sem uppskera stóð yfir í grennd við Verona, heimsótti erkibiskupinn og borgarstjórarnn í Verona og tvo ítalska menntaskóla. MYNDIR