Tröllaskagafjöltengi í ML

Í Menntaskólanum á Laugarvatni eru nemendur og kennarar hæstánægðir með nýju fjöltengin sín. Starfsfólk skólans kom í heimsókn í MTR í vor og rak þá augun í hin verklegu fjöltengi sem Gísli Kristinsson húsvörður smíðaði.

Í Menntaskólanum á Laugarvatni eru nemendur og kennarar hæstánægðir með nýju fjöltengin sín. Starfsfólk skólans kom í heimsókn í MTR í vor og rak þá augun í hin verklegu fjöltengi sem Gísli Kristinsson húsvörður smíðaði. Laugvetningar sáu að tengin voru traustleg, ekki líklegt að þau hyrfu óvart ofan í tösku og að hvert þeirra gæti veitt níu fartölvum straum. Hús á Laugarvatni voru reist löngu áður en fartölvueign varð almenn og því ekki innstungur um allt. Stjórnendur ML fóru þess á leit við Gísla að hann smíðaði einnig fjöltengi handa þeim. Það hefur hann nú gert með aðstoð Raftækjavinnustofunnar og Trésmíði sf. Lesa má um ánægju starfsmanna Menntaskólans á Laugarvatni á heimasíðu skólans og þaðan er myndin með fréttinni fengin.

http://www.ml.is/index.php ?option=com_content&view=article&id=473:troellaskagafjoeltengin&catid=58:nyjar-frettir