Skólasetning

Fimmta starfsár Menntaskólans á Tröllaskaga er hafið. Lára Stefánsdóttir, skólameistari setti skólann í Tjarnarborg í morgun. Hún hvatti nemendur til að finna fjársjóðinn í sjálfum sér og muna að þeir væru að mennta sig í eigin þágu til að geta átt gott og gæfuríkt líf.

Fimmta starfsár Menntaskólans á Tröllaskaga er hafið. Lára Stefánsdóttir, skólameistari setti skólann í Tjarnarborg í morgun. Hún hvatti nemendur til að finna fjársjóðinn í sjálfum sér og muna að þeir væru að mennta sig í eigin þágu til að geta átt gott og gæfuríkt líf.

 

Í dag eru skráðir 215 nemendur í skólann, 145 dagskólanemendur og 70 fjarnemar. Starfsmenn eru 24, langflestir í fullu starfi. Skólinn hefur verið fullsetinn í tvö ár. Aðeins tók tvö ár ná þeirri stærð sem reiknað hafði verið með við undirbúning að stofnun hans.