Menningarferð til Akureyrar

Hlynur Hallsson safnsstjóri Listasafnsins fræðir nemendur um sýningu Egils Loga Jónassonar. Ljósm. SMH.

Mikil áhersla er á listir og skapandi greinar í MTR og hægt er að útskrifast af myndlistar-, ljósmynda- og tónlistarsviði listabrautar. Mikilvægur þáttur listnáms er að kynnast því sem er efst á baugi í listunum hverju sinni og í vikunni fóru nemendur af listabraut í menningarferð til Akureyrar.

Í ferðinni var menningarhúsið Hof heimsótt og þaðan lá leiðin í Listasafnið á Akureyri þar sem Hlynur Hallsson safnstjóri fræddi nemendur um þær sex sýningar sem standa yfir á safninu. Þaðan lá leiðin í Mjólkurbúðina þar sem samsýning félaga í Myndlistarfélaginu stóð yfir. Þar næst var kíkt í Kaktus þar sem eru vinnustofur nokkurra listamanna, m.a. Karólínu Baldvinsdóttur listakennara skólans. Að lokum var komið við í Sigurhæðum, húsi Matthíasar Jochumssonar þar sem eru sýningar og vinnustofur listamanna og rithöfunda.

Fleiri myndir úr ferðinni hér.