Hvað gera brautskráðir?

Frá upphafi hafa 98 nemendur útskrifast frá skólanum. Vorið 2013 luku námi þeir fyrstu sem hófu nám sitt hér haustið 2010. Ný könnun leiðir í ljós að um helmingur af þessum hópi 47% hélt áfram í háskólanám eftir stúdentspróf, um 13% fóru í annað nám en 37% fóru að vinna. Svör fengust frá 68 nemendum sem eru um 70%.

Frá upphafi hafa 98 nemendur útskrifast frá skólanum. Vorið 2013 luku námi þeir fyrstu sem hófu nám sitt hér haustið 2010. Ný könnun leiðir í ljós að um helmingur af þessum hópi 47% hélt áfram í háskólanám eftir stúdentspróf, um 13% fóru í annað nám en 37% fóru að vinna. Svör fengust frá 68 nemendum sem eru um 70%.

Af þeim sem hófu háskólanám hafa þrír útskrifast, í lyfjafræði, sálfræði og viðskiptafræði. Tveir þeirra halda áfam námi. Nemendur hafa valið margvíslegar greinar í háskólanámi sínu, svo sem félagsfræði, ferðamálafræði, geislafræði, hjúkrun, iðjuþjálfun, ítölsku, þróttafræði, kennaranám, leiklist, leikstjórn, lífefnafræði, líftækni, lögfræði, lyfjafræði, myndlist, næringarfræði, nútímafræði, sálfræði, tölvunarfræði, uppeldis- og menntunarfræði, verkfræði og viðskiptafræði. Um helmingur þeirra nemenda sem fóru að vinna eftir stúdentspróf segir að námið hafi bætt atvinnutækifæri sín og/eða laun. Eftirfarandi eru dæmi um svör:

„Fór að vinna og er núna að stofna mitt eigið fyrirtæki“
„Var í vinnu á meðan ég var í MTR og hélt henni áfram.“
„Er í 100% vinnu sem var auðvelt að fá með stúdentspróf“
„Nei en fékk launahækkun útá stúdentinn“
„ Námið breytti engu sértaklega fyrir mig vinnulega séð.“