Framboðskynning

Kennslu í stjórnmálafræðiáfanganum FÉL2B lauk í dag með framboðsfundi þar sem fulltrúar listanna fjögurra í Fjallabyggð kynntu framboðin og sátu fyrir svörum. Atvinnumál og ríg milli bæjanna tveggja í Fjallabyggð bar hæst á fundinum. Nemendur spurðu fjölmargra spurninga og fengu við þeim svör. Athygli þeirra vakti að ekki virðist mikill munur á stefnumálum framboðanna.

Kennslu í stjórnmálafræðiáfanganum FÉL2B lauk í dag með framboðsfundi þar sem fulltrúar listanna fjögurra í Fjallabyggð kynntu framboðin og sátu fyrir svörum. Atvinnumál og ríg milli bæjanna tveggja í Fjallabyggð bar hæst á fundinum. Nemendur spurðu fjölmargra spurninga og fengu við þeim svör. Athygli þeirra vakti að ekki virðist mikill munur á stefnumálum framboðanna.

Fulltrúi Sjálfstæðisflokks sagði að það hefðu líklega verið mistök að færa alla opinberu stjórnsýsluna yfir á Siglufjörð og fulltrúi Framsóknarflokks taldi rétt að fara yfir málið að nýju. Allir töluðu fulltrúarnir um að bæta almenningssamgöngur á milli bæjanna og einn varpaði því fram hvort mögulegt væri að nota rafmagnsstrætó. Svo virðist sem frambjóðendur telji að eftir sé að klára sameininguna.

Eflingu ferðaþjónustu bar á góma þegar rætt var um atvinnumál og allir töldu að fjölga þyrfti störfum fyrir menntað fólk. Fulltrúi Fjallabyggðarlistans nefndi að fleira væri menntun en háskólagráður og í sveitarfélaginu væru iðnaðarmenn, til dæmis smiðir, komnir af léttasta skeiði. Líka þyrfti að viðhalda sérhæfingu af því tagi. Fulltrúi Jafnaðarmannafélags Fjallabyggðar taldi að stærstu tækifærin lægju í ferðaþjónustu, sem þyrfti að byggja enn frekar upp.

Fulltrúar framboðanna voru: Kristinn Kristjánsson í 2. sæti á Fjallabyggðarlista, Sólrún Júlíusdóttir í 1. sæti á lista Framsóknarflokks, Ásgeir Logi Ásgeirsson í 3. sæti á lista Sjálfstæðisflokks og Steinunn María Sveinsdóttir í fyrsta sæti á lista Jafnaðarmannafélags Fjallabyggðar.