Bandý í Fjallabyggð

Hafin er tilraun til að endurvekja bandýíþróttina sem eitt sinn var vinsæl í Ólafsfirði. Haldin voru bandýmót þar sem fyrirtæki kepptu. Þetta gekk í tíu ár og mikil stemmning var í kringum mótin. Það var Lísebet Hauksdóttir, íþróttakennari sem átti hugmyndina að því að endurreisa bandýið í Fjallabyggð. Fyrsta æfingin var haldin í gær og þar voru myndirnar teknar sem fylgja fréttinni.

Hafin er tilraun til að endurvekja bandýíþróttina sem eitt sinn var vinsæl í Ólafsfirði. Haldin voru bandýmót þar sem fyrirtæki kepptu. Þetta gekk í tíu ár og mikil stemmning var í kringum mótin. Það var Lísebet Hauksdóttir, íþróttakennari sem átti hugmyndina að því að endurreisa bandýið í Fjallabyggð. Fyrsta æfingin var haldin í gær og þar voru myndirnar teknar sem fylgja fréttinni.

Nemendur við skólann geta lært og iðkað bandý í áfanganum ÍÞG3D, íþróttagrein, innibandý og blak og ef þeir stunda almennu æfingarnar verða þeir enn betri. Bandý er boltaíþrótt sem er spiluð með plastkylfum. Markmiðið er að koma lítilli plastkúlu í mark andstæðingsins. Það eru sex leikmenn í liði, þar af einn í marki og tvö lið keppa samtímis. Markmaðurinn má verja með höndum og fótum. Leiktími er 3x20 mínútur með 10 mínútna hléum.

Á þessari önn verða æfingar á miðvikudögum klukkan 16-17, ætlaðar fólki á aldrinum 16-20 ára en komið hafa fyrirspurnir um hvort hægt sé að fjölga hópum og skipuleggja æfingar fyrir aðra aldursflokka. Á árum áður spilaði fólk á öllum aldri. Fyrirtæki skráðu sig með lið og öll lið þurftu að vera með kynningaratriði og í búningum. Í lok móta voru veitt ýmis verðlaun. Meðal annars fyrir besta búninginn, innkomuatriði, tapsárasti leikmaðurinn fékk verðlaun og líka sá brosmildasti og sá orðljótasti. Af þessu má ráða hvernig stemmningin var á bandýmótum en þeim lauk gjarnan með balli eftir verðlaunaafhendingu. MYNDIR

Texti Elfa Sif Kristjánsdóttir
Myndir Heiðar Karl Rögnvaldsson