Áfangi í ljóðlist

11.12.2017

Haustsýning mynd GK

Ljóðlistaráfangi var kenndur í MTR í fyrsta sinn á haustönninni. Kennari var Þórarinn Hannesson, forstöðumaður Ljóðaseturs Íslands á Siglufirði. Í áfanganum var farið í gegn um sögu íslenskrar ljóðlistar og fræðst um strauma og stefnur frá landnámsöld til okkar tíma. Nemendur kynntust grunnreglum í íslenskri bragfræði og spreyttu sig á að setja saman vísur á réttan hátt. Árangurinn af þeim æfingum var misjafn og gekk mörgum betur að semja ljóð sem ekki eru jafn föst í forminu. Einnig settu nemendur saman ljóð í anda ólíkra stefna sem kynntar voru og notuðu ýmis stílbrögð, svo sem persónugervingar, viðlíkingar og myndhverfingar. Hægt er að kynna sér afraksturinn á sýningu á verkum nemenda sem er opin á skólatíma fram yfir útskrift laugardaginn 16. desember, - en hér eru tvö sýnishorn:

Þriðjudagur

Ung stelpa situr á tröppunum,

drekkur te og les gamla bók.

Hárið rauðbrúnt

eins og fallið lauf að hausti.

Hvernig finnst þér Shakespere?

spyr ég og finn að mér hitnar;

ég roðna.

Hún lítur upp brosandi,

allt verður gott.

Silja Ýr Gunnarsdóttir

Vísa