FRUM1TR05 - Tröllaskagi, frumkvöðlafræði

Tröllaskagi

Einingafjöldi: 5
Þrep: 1
Markmið áfangans er að örva sköpunarkraft og auka djörfung nemenda og dug til að kasta sér út í ný verkefni þar sem útkoma er ekki fyrirfram gefin. Kostur er að verkefnin séu fjölbreytt og nemendur velji eitthvað sem þeir hafa áhuga á og gætu hugsað sér að vinna við eða að minnsta kosti nýta sér. Miðað er við að afþreyingin sé á sviði menningar og lista, tengist náttúru, íþróttum eða annarri hreyfingu en raunar takmarkast viðfangsefnin aðeins af hugmyndaflugi nemenda. Stundum tengist afþreying félags- eða tómstundastarfi en alls ekki alltaf. Farið verður í grunnatriði sem hafa verður í huga við skipulagningu verkefna, svo sem verkáæltun, kostnaðaráætlun, skilgreiningu markhóps og markaðssetningu.

Þekkingarviðmið

  • hugarflæði við hugmyndavinnu
  • helstu þáttum afþreyingar í nærsamfélagi
  • mikilvægi góðra skilgreininga á hugmynd og verkefni
  • mikilvægi áæltunar varðandi markhóp, verkþætti og kostnað
  • gildi þess að hugsa í lausnum

Leikniviðmið

  • virkja hugmyndaflugið
  • meta hvaða upplýsinga og gagna er þörf við sköpun nýs verkefnis
  • starfa í hóp þar sem virðing og jákvæð samskipti einkenna ákvarðanatöku
  • deila réttlátlega ábyrgð á einstökum verkþáttum
  • kynna eigin hugmyndir og verkefni

Hæfnisviðmið

  • hugsa lausnamiðað
  • gera verkáætlun sem hentar því verkefni sem hugmynd er að
  • skipuleggja starf í hópi þannig að kraftar hvers og eins nýtist og allir séu sáttir við sinn hlut
  • ráðast í verkefni þar sem árangur er óviss
  • kynna eigin vinnu þannig að höfði til markhóps
Nánari upplýsingar á námskrá.is