Skapandi skrif - ÍSL2E02

Lýsandi heiti áfanga: Skapandi skrif
Framhaldsskólaeiningar: 2
Undanfari: Enginn

Lýsing á efni áfangans:
Í áfanganum læra nemendur að skrifa góðan texta. Lögð er áhersla á þætti eins og val á umfjöllunarefni, efnistök, málfar, stíl, persónusköpun og uppbygging. Margvíslegar aðferðir eru notaðar sem kveikjur að ritverkum; tilvitnanir, tónlist, frásagnir, vettvangskannanir, umræður, myndlist og leikrænn spuni.

Lokamarkmið áfanga:
Nemandi skal hafa aflað sér almennrar þekkingar og skilnings á:

• hvað einkennir góðan stíl
• nokkrum einkennum góðra bókmenntatexta
• uppbyggingu styttri og lengri ritverka

Nemandi skal hafa öðlast leikni í að:

• skrifa góðan texta
• meta málfar, stíl, uppbyggingu og efnistök í eigin texta
• meta texta annarra
• ræða um texta samnemenda
• lesa upphátt texta sem hann hefur skrifað

Nemandi skal geta hagnýtt þá almennu þekkingu og leikni sem hann hefur aflað sér til að:

• skrifa stuttar sögur og ljóð þar sem greina á helstu einkenni góðs bókmenntatexta
• taka þátt í umræðum um gæði og inntak bókmenntatexta
• búa texta sinn undir birtingu eða flutning á honum
• flytja eigin texta