Íþróttir, hreyfing og útivist - LÝÐ1E01

Lýsandi heiti áfanga: Íþróttir, hreyfing og útivist - miðannarvika
Framhaldsskólaeiningar: 1
Undanfari: Enginn

Lýsing á efni áfangans:
Áfanginn samanstendur af verklegri kennslu í tennis, brimbrettareið, sjóbjörgun með björgunarsveit, kajak, boltaíþróttum, golfi og sundi. Nemendur þurfa að velja sér 6 þætti til að kynna sér. Í áfanganum er lögð áhersla á fjölbreytta hreyfingu og fræðslu um það sem ber að hafa í huga við ástundun þessara greina og hvaða útbúnað þarf.

Lokamarkmið áfanga:
Nemandi skal hafa aflað sér almennrar þekkingar og skilnings á:

• mikilvægi hreyfingar fyrir heilsuna
• fjölbreyttum möguleikum til hreyfingar
• búnaði sem þarf að hafa til að stunda ýmisskonar hreyfingu

Nemandi skal hafa öðlast leikni í að:

• iðka fjölbreyttar íþróttir
• klæða sig eftir veðri og aðstæðum
• stunda mismunandi hreyfingu
• þekkja takmörk sín í hreyfingu

Nemandi skal geta hagnýtt þá almennu þekkingu og leikni sem hann hefur aflað sér til að:

• stunda mismundi íþróttir og hreyfiform
• nýta sér mismunandi aðstæður til líkamsræktar og heilbrigðra lífshátta
• gera sér grein fyrir mikilvægi hreyfingar fyrir heilsuna

Námsmat:
Í áfanganum eru engin skrifleg verkefni heldur þurfa nemendur að uppfylla mætingarskilyrði hans og taka virkan þátt í greinunum.


Birt með fyrirvara um breytingar